System Admin
2023-11-20
早起賴清德就先佇面冊宣佈，副總統的人選是駐美代表蕭美琴，蕭美琴也已經向外交部辭職，也准囉，賴清德早起，和新北市12選區的立委參選人，作伙宣示，欲拚總統當選、國會過半，民進黨已經準備好，欲開始拚大選，毋過藍白合煞緊欲破局，柯文哲喝講，伊欲以民眾黨總統候選人身份拚到底，昨暗也閣再和郭台銘見面，侯友宜早起表示，尊重柯文哲的決定，伊也會堅定家己應該行的路，拚贏選戰。
佇選舉當中得著勝利
國民黨佮民眾黨互相合作。
參加選舉予人選的人。
通常是台灣民眾黨的簡稱。
參與選舉。
共選舉比喻做戰爭的講法。
通常是民主進步黨的簡稱。
